Vetëvrasja para SPAK, Manja: 11 përmbaruesve privatë iu është hequr licenca

Ministri i Drejtësisë Ulsi Manja tha se 11 përmbaruesve privatë iu është hequr licenca dhe janë në ndjekje penale në Prokurorinë e Tiranës pasi janë kapur në shkelje të ligjit.

Gjatë fjalës së tij sot në Kuvend, Manja hodhi poshtë akuzat e opozitës se institucionet shtetërore kanë heshtur lidhur me rastin e Pal Trashajt, i cili 2 ditë më parë piu fostoksinë para SPAK pasi pretendonte se përmbarimi i kishte bllokuar pronat.

“Lidhur me rastin e mikrokredive kam heshtur se mbrojtja e sistemit bankar është çështje e sigurisë kombëtare, nga ana tjetër edhe mbrojtja e qytetarëve që kanë marrë kredi në këto institucione ka të bëjë me mbrojtjen e interesit publik, mes tyre është ligji. Ministria e Drejtësisë ka në përgjegjësi përmbarimin privat dhe atë publik, pasi monitorohen prej nesh. Në 31 maj 2024, 11 përmbaruesve privatë u është hequr licenca, përfshirë në këtë skemë edhe noterë të caktuar dhe institucione mikrokrediti vendime të tyre janë tashmë në ndjekje penale në Prokurorinë e Tiranë.

Ne do vazhdojmë me të njëjtin intensitet dhe ritëm që cili nga përmbaruesit privat shkel ligjin, do t’i denoncojmë në prokurori”, tha ai.

LEXONI GJITHASHTU:

• Pse u rrit kredia nga 760 mijë lekë në 4.8 mln? Eksperti sqaron rastin e Pal Trashaj
• U vetëhelmua para SPAK, djali i Pal Trashajt tregon fjalët e fundit të të atit