Vetëvritet autori; 3 viktima dhe 2 të plagosur, bilanci i masakrës në Klos

Tre persona kanë humbur jetën dhe 2 të tjerë janë plagosur në një konflikt me armë zjarri të ndodhur mesditën e së mërkurës në Klos.

Ngjarja e rëndë u shënua në qendër të qytetit ku babë e bir, Ilir dhe Kenado Shira, 17 dhe 46 vjeç u ekzekutuan me breshëri automatiku nga shtetasi Fiqiri Mjeshtri.

17-vjeçari ndërroi jetë vendngjarje, ndërsa babai i tij pak më vonë në spital. Autori i krimit u largua nga vendngjarja dhe vetëm pak orë më vonë u gjet nga policia i vetëvrarë.

Në ngjarjen që dyshohet se ndodhi pas konfliktit mes dy fiseve mbetën të plagosur edhe shtetasit Eglantin Hasula dhe Danjel Hasula, të cilët janë transportuar në spitalin e Traumës në gjendje të rëndë për jetën.

Në një deklaratë për mediat, drejtori i policisë së Qarkut, Dibër Dhimitraq Ziu tha se janë arrestuar 2 nga 3 autorët e dyshuar të ngjarjes, Fatmir e Besnik Mjeshtri, ndërsa i dyshuari tjetër Fiqiri Mjeshtri është vetëvrarë pranë banesës së tij në fshatin Dars.

LEXONI GJITHASHTU:

• Rëndohet bilanci në Klos, ndërron jetë edhe babai i 17-vjeçarit
• Ekzekutohen me armë zjarri babë e bir në Klos, plagoset një tjetër