Veza e fshatit 50-60 lekë aktualisht, a do rritet çmimi? Përgjigjet fermeri

Fermeri Alban Çakalli tha në një intervistë për “Good morning Albanians” në Euronews Albania se në rritjen e çmimit të vezëve ka ndikuar dhe gripi i shpendëve që ra para një viti.

Ai tregoi se në dhjetor kërkesa është shumë e lartë për vezë, por pulat nuk prodhojnë mjaftueshëm. Çakalli tha se çmimi për një vezë fshati aktualisht varion në 50-60 lekë, por a do të rritet çmimi?

“Veza e fshatit ishte 250-300 lekë të vjetra, ndërsa tani ka shkuar me çmim 500-600 lekë të vjetra, flas për pulat që rrisin vetë fermerët, vetë fshatarët. Nuk besoj se do të rritet më sepse lëndët e para siç është misri, soja, gruri po pësojnë ulje në vendet e origjinës dhe kjo pastaj do të sjellë një stabilitet të çmimeve. Do të kemi ulje çmimesh,” – deklaroi Çakalli.

LEXONI GJITHASHTU:

• Rritet 25% çmimi i bulmetit dhe vezëve
• Animalistja: Konsumoj molusqe, produkte të bulmetit dhe vezë të pafekonduar