Argjentina ka mposhtur Ekuadorin në ndeshjen e parë kualifikuese të zhvilluar mëngjesin e së premtes, ndërsa ka mjaftuar një gol i Lionel Messit.
Kampionët e botës dominuan në mënyrë absolute ndaj kundërshtarit, duke mos i lënë aspak mundësi reagimi, me 7 herë fituesin e “Topit të Artë” i cili konfirmon se është lideri absolut i albicelestëve.
Sfida e luajtur në Buenos Aires nuk pati shumë histori, me pjesën e parë e cila u mbyll me rrjeta të paprekura. Në fraksionin e dytë argjentinasit u vunë në kërkim të golit, por nuk ia arritën deri në minutën e 78’, aty ku Messi ekzekutoi në mënyrë fantastike një goditje dënimi duke shtangur portierin Galindez. Sulmuesi i Inter Majemit e dërgoi topin mbi mur, ndërsa gardiani ekuadorian qëndroi statik në katërkëndësh.
Me këtë fitore Argjentina e nis mbarë fazën kualifikuese, ndërsa ndeshja e radhës është ajo ndaj Bolivisë në transfertë më 12 shtator. Në përballjet e tjera, Kolumbia fitoi minimalisht ndaj Venezuelës, ku goli u shënua nga Rafael Borre. Paraguai dhe Peruja u ndanë në paqe, ku asnjëra prej tyre nuk arriti të gjente golin.
Enjoy every bit of Lionel Messi’s stunning game-winning free kick against Ecuador! 🐐🇦🇷💥🔥
WHAT A FOOTBALLER! 🥹😭pic.twitter.com/RDsBHOdSeY
— 𝚄𝙶𝙾𝙲𝙷𝚄𝙺𝚆𝚄⚡️ (@UgoOsinobi) September 8, 2023
