VIDEO| Demonstrata masive me molotov në Greqi| 16 të plagosur, 7 prej tyre policë

Ditën e sotme në Greqi, me iniciativën e shoqatave, organizatave, kolektiveve dhe sindikatave të ndryshme studentore, u zhvilluan tubime – marshime me rreth 17.500 persona në Propylaia të Universitetit të Athinës dhe në sheshet Klathmonos e Korai, me rastin e miratimit të ligjit për universitetet joshtetërore dhe ditën ndërkombëtare të gruas.

Sipas mediave të huaja, në orën 14:50, ndërsa marshimi po kalonte nëpër rrugën Stadiou, një grup prej rreth 20 personash u shkëputën prej turmës dhe nisën një sulm të ashpër kundër forcave të policisë që ndodheshin në kryqëzimin e rrugëve Stadiou dhe Eduardo Lo, duke qëlluar drejt tyre të paktën -10- molotov.

Më pas, në orën 15:50 dhe ndërsa marshimit po hynte në Avenue Vasilissis Amalias nga Othonos, një grup prej rreth 50 personash, me fytyra të mbuluara, u shkëputën nga grupi dhe sulmuan duke hedhur kokteje molotovi dhe gurë drejt forcave të policisë që ndodheshin te Monumenti i Ushtarit të Panjohur.

Policia zmbrapsi sulmuesit duke përdorur mjetet e nevojshme, ndërsa njerëzit u shpërndanë drejt pjesës së poshtme të sheshit Sintagma, duke nisur sërish sulme të njëpasnjëshme me gurë ndaj punonjësve të policisë në rrugët përreth. Forcat e policisë kanë vepruar më pas për të parandaluar dëmtimin e infrastrukturës dhe për të ulur tensionin.

Deri më tani janë shoqëruar 14- persona dhe 3 janë arrestuar, ndërsa çështjen e trajton Nëndrejtoria e Sigurimit të Shtetit pranë Drejtorisë së Sigurimit të Atikës.

Si pasojë e ngjarjeve kanë mbetur të plagosur 7 policë dhe 9 civilë.

Në lidhje me deklaratat dhe videot e shpërndara në internet me momente nga episodet e sotme, Drejtoria e Përgjithshme e Policisë së Atikës ka urdhëruar një hetim administrativ.

LEXONI GJITHASHTU:

• Plagosi rëndë partneren, arrestohet shqiptari në Greqi
• Greqi| 34-vjeçari rreh me hekur bashkëshorten e tij dhe e mbulon me zbardhues