VIDEO| Dëshmia e qytetares së akuzuar se i shiti votën Fredi Belerit

Një nga qytetaret e shoqëruara në komisariatin e Vlorës për shitje vote, ka konfirmuar mbrëmjen e së shtunës se nuk ka asnjë lidhje me ngjarjen dhe se nuk ka pasur ndonjëherë kontakt me Fredi Belerin apo bashkëpunëtorin e tij.

Valbona Bala ka dëshmuar se nuk i ka ofruar askush para për shitjen e votës, madje diçka të tillë ia kanë komunikuar në polici, duke i thënë se emri i saj është në listat e personave që kanë marrë para.

Më tej ajo sqaroi se punon si sanitare në shkollë dhe se Belerin, i cili është lënë në burg me vendim të Gjykatës së Vlorës, nuk e njeh fare.

Bala është marrë nga shtëpia e saj së bashku me djalin 18-vjeçar dhe janë dërguar në komisariatin e Vlorës, ku pas disa orësh janë lënë të lirë.

LEXONI GJITHASHTU:

• Avokati Rumano sqaron ligjin: Pse arrestimi i Fredi Belerit është i paligjshëm
• Gazetari Dervishi liston precedentët e mëparshëm të Fredi Belerit