Një episod dhune është regjistruar në futbollin e femrave në Shqipëri, në përballjen mes Tiranës dhe Vllaznisë.

Në fushën Skënder Halili, u luajtën verëm 22 minuta lojë, për shkak të sherrit të ndodhur mes dy ekipeve të futbollit të vajzave Tirana-Vllaznia.

Protagonistët e këtij sherri ishin fillimisht vajzat në fushë dhe më pas ndërhyrja e stafeve teknike të të dyja ekipeve, deri tek futja në fushë e presidenteve të ekipeve. Në komisariatin nr.6 janë depozituar dy kallëzime një nga ana e Tiranës një nga ana e Vllaznisë.

Nga ana e skuadrave mike, Vllaznisë pretendohet që prej fillimit të ndeshjes janë hasur me dhunë psikologjike dhe ofendime deri tek përplasja fizike. Ndërsa nga ana e stafit të Tiranës pretendojnë se janë provokuar nga kundërshtarët e tyre.

Disa nga vajzat, kanë pasur dëmtime të lehta në pjesën e fytyrës si pasojë e sherrit. Policia pritet të bëjë veprime në marrjen në pyetje të dy stafeve teknike si edhe administrimin e kamerave filmike per të nxjerrë protaganistët.

Pritet te ketë edhe procedime penale për shkak se brenda fushës janë futur edhe persona të pa autorizuar duke shkaktuar dhunë.

LEXONI GJITHASHTU:

• Nuk ka përplasje tek Vllaznia, Osmani qartëson situatën, Gvozdenoviç i druhet Teutës
• Dhunë në futbollin e femrave, ndërpritet Tirana-Vllaznia, 3 të lënduar