VIDEO/ Jahti luksoz “Dolce Vento” fundoset në udhëtimin e tij të parë

Një incident ndodhi të martën në brigjet e qytetit Zonguldak në Turqinë veriore, kur një jaht i ri luksoz me vlerë 800,000 euro u mbyt menjëherë pas nisjes së udhëtimit të tij të parë.

Sipas gazetës The Sun, jahti i quajtur Dolce Vento, me gjatësi rreth 24–30 metra, sapo kishte përfunduar ndërtimin në kantierin detar Med Yilmaz dhe ishte gati për të ofruar një përvojë të paharrueshme për pasagjerët e tij.

Nga pamjet e publikuara shihet se nisja në det ndodh pa probleme. Megjithatë, vetëm 15 minuta më vonë, ndodhi katastrofa: jahti filloi të humbiste ekuilibrin dhe u përmbys në det.

Në bord ndodheshin pronari, kapiteni dhe 2 anëtarë të ekuipazhit, të cilët arritën të shpëtojnë pa lëndime ndërsa një person shihet duke u ngjitur mbi pjesën e dukshme të jahtit që po fundosej dhe më pas hidhet në det.

Roja Bregdetare Turke dhe shërbimet e tjera të emergjencës reaguan menjëherë, duke marrë masa për të shmangur rreziqe të mëtejshme.

Operacionet për rikuperimin e anijes kanë nisur, ndërsa autoritetet e kantierit kanë njoftuar se do të kryhet një hetim i plotë për të zbuluar arsyet e fundosjes.

Sipas ekspertëve detarë, incidenti mund të jetë shkaktuar nga probleme në stabilitetin e anijes, veçanërisht në llogaritjen e lartësisë metacentrike – një gabim teknik i zakonshëm që mund të çojë në përmbysje të anijeve të reja.

Fundoset jahti luksoz 1 mln💲, pronari dhe ekuipazhi hidhen në det

Një jaht luksoz me vlerë rreth 1 milionë dollarë u fundos në ujërat e Zonguldak, Turqi vetëm 15 minuta pas nisjes.

Në bord ndodheshin pronari, kapiteni dhe 2 anëtarë të ekuipazhit, të cilët arritën të shpëtojnë pic.twitter.com/pFeJseRmTP

— Euronews Albania (@EuronewsAlbania) September 3, 2025

LEXONI GJITHASHTU:

• Lanë jahtin dhe po lundronin me gomone, shpëtohet nga mbytja çifti gjerman në Qeparo
• 122 metra i gjatë, superjahti i miliarderit të njohur akonkorohet në Durrës