Dhunoi vajzën e bashkëshortit, procedohet TikTokerja Genta Gjalpi

Policia e Tiranës ka proceduar në gjendje të lirë 35-vjeçaren Genta Gjalpi, pas publikimit të një video në rrjetet sociale ku shfaqet duke ushtruar forcë ndaj vajzës së mitur të bashkëjetuesit të saj.

Genta Gjalpi, një personazh i njohur në platformën TikTok, është nën hetim për veprën penale “Dhuna në familje”.

Policia ka njoftuar se po kryhen veprime hetimore për të sqaruar rrethanat e këtij rasti.

“U referuan materialet në Prokurori, ku nisi procedimi në gjendje të lirë për shtetasen G. Gj., 35 vjeçe, pasi në një video të publikuar në një portal, duket se kryen veprime të dhunshme, kundrejt vajzës së mitur të bashkëjetuesit të saj. Po kryhen veprime hetimore për të sqaruar rrethanat e këtij rasti”, thuhet në njoftimin e policisë.

Në pamjet e publikuara në rrjetet sociale, shihet Genta Gjalpi dhe vajza e vogël pranë kasës së një marketi, duke bërë pagesën. Në ato momente, Genta e kap vajzën dhe e tërheq. Më pas, vajza tenton të largohet, ndërsa Genta, në përpjekje për ta kapur për dore, rrëzohet. Ajo e ndjek, duke e tërhequr nga bluza dhe e shtyn për ta nxjerrë jashtë ambienteve të marketit.”

LEXONI GJITHASHTU:

• Pasi vrau gruan preu damarët, publikohet fotot e çiftit amerikan në Shkodër
• Detaje nga vrasja në Shkodër: Amerikani në gjendje të dehur qëlloi bashkëjetuesen