VIDEO/ Policia rrethon dhe arreston të riun me 2 kallashnikovë në tunelin e Murrizit

Një 22-vjeçar nga Burreli është kapur në flagrancë në tunelin e Murrizit me dy armë kallashnikov në makinë, në momentet kur po vinte drejt Tiranës.

Sipas njoftimit të Policisë, dyshohet se armët ishin të destinuara për t’u shitur grupeve kriminale në kryeqytet.

Oficerët e Komisariatit Nr. 4, pasi kanë siguruar informacion për këtë shtetas që po qarkullonte me armë në makinë nga Burreli drejt Tiranës, menjëherë kanë organizuar operacionin “Tuneli”, duke i zënë pritë dhe duke e arrestuar të riun në tunelin e Murrizit.

Njoftimi i policisë

“Finalizohet nga Komisariati i Policisë Nr. 4, operacioni policor i koduar “Tuneli”.

U kap në flagrancë duke transportuar 2 armë zjarri kallashnikov, nga Burreli në Tiranë, për t’i shitur për llogari të grupeve kriminale, vihet në pranga një 22-vjeçari.

Sekuestrohen 2 armët e zjarrit, 4 krehra për to, automjeti dhe celulari i 22-vjeçarit.

Shërbimet e Komisariatit të Policisë Nr. 4 kanë siguruar informacion se një shtetas qarkullonte me armë zjarri në automjet. Si rezultat i administrimit të shpejtë të këtij informacioni është organizuar dhe finalizuar operacioni i koduar “Tuneli”, gjatë të cilit u arrestua shtetasi:

A. D., 22 vjeç, banues në Burrel.

Gjatë operacionit, në tunelin e Murrizit, shërbimet e Policisë kanë ndaluar automjetin që drejtonte 22-vjeçari, në të cilin, gjatë kontrollit, gjetën të fshehura në bagazh, 2 armë zjarri kallashnikov dhe 4 krehra për to.

Nga hetimet dyshohet se ky shtetas po i transportonte armët në Tiranë, për t’i shitur për llogari të grupeve kriminale. Vijojnë hetimet për dokumentimin e kësaj veprimtarie kriminale, identifikimin dhe kapjen e shtetasve të tjerë që mund të jenë përfshirë.

Materialet procdurale i kaluan Prokurorisë, për veprën penale “Mbajtja pa leje dhe prodhimi i armëve, armëve shpërthyese dhe i municionit”, thuhet në njoftimi ne policisë.

LEXONI GJITHASHTU:

• EMRAT/ Arrestohen në Fier 3 të kërkuar nga Italia për trafik droge
• Donin t’i vinin tritol këngëtarit Jozi, autorët ngatërrojnë shtëpinë