English

VIDEO| Vrasja e 41-vjeçares shqiptare, pamjet kur autorët hedhin poshtë sendet e saj

KOMENTE

SHPERNDAJE
ARTIKULLIN

Text sizeAa Aa

Të tjera detaje kanë dalë lidhur me vrasjen e 41-vjeçares shqiptare, e cila ishte shtatzënë, nga bashkëshorti i saj grek në vendin fqinj.

- Advertisement -

Mediat greke kanë publikuar pamjet ku bashkëshorti i saj që ishte dhe autor i vrasjes, së bashku me bashkëpunëtorin e tij, hedhin sendet e saj personale në koshat e plehrave.

Në videot e regjistruara nga kamerat e sigurisë së dyqanit rreth orës 12.15 të mesnatës, shihet fillimisht duke ecur në rrugën e Perikleut, shumë pranë banesës ku ndodhi vrasja, partneri 39-vjeçar i gruas së bashku me bashkëpunëtorin e tij 34-vjeçar.

Në sekondat e ardhshme, kamerat i regjistrojnë ata duke hedhur qesen në koshin e plehrave për të përforcuar skenarin e zhdukjes së 41-vjeçares dhe më pas largohen.

Ndërkohë, 39-vjeçari që pretendon se ka vështirësi në lëvizje për shkak të problemeve shëndetësore, në të gjitha videot shfaqet duke ecur pa vështirësi dhe në fakt me ritme të shpejta.

Në një video të publikuar dje nga protothema.gr, 41-vjeçarja shtatzënë shihet e shkujdesur duke ecur së bashku me partnerin e saj, duke mbajtur në duar çanta pazari, në rrugën Ethnikis Antistaseos, pak metra larg shtëpisë ku çifti jetonte.

Akrepat e orës tregojnë rreth dhjetë minuta para orës 23:00 dhe sipas informacioneve, çifti po kthehet me taksi në banesën e tyre, pasi 39-vjeçari i akuzuar ka shkuar për të marrë gruan fatkeqe nga puna. Ironi tragjike që gruaja po ecte në trotuar duke mbajtur për dore partnerin e saj, pa e ditur se do të vdiste rreth një orë më vonë.

LEXONI GJITHASHTU:

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?