Vidhnin energjinë elektrike, arrestohet pronari në Shkodër, procedohen 8 banorë

Policia e Shkodrës ka arrestuar pronarin e  një biznesi në të cilin u gjet një lidhje e paligjshme e energjisë elektrike.

Gjithashtu blutë e Shkodrës kanë proceduar penalisht dhe 8 banorë të Thethit në banesat e të cilëve u konstatuan linja për vjedhjen e energjisë.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Specialistët për Hetimin e Krimeve të Komisariatit të Policisë Shkodër kanë arrestuar në flagrancë shtetasin P. M., banues në Berdicë, Shkodër, për veprën penale “Vjedhja e nergjisë elektrike”, pasi në biznesin e tij u konstatua lidhje e paligjshme e energjisë elektrike.

Gjithashtu janë referuar materialet në Prokurori ku ka nisur procedimi në gjendje të lirë për shtetasit V. Gj., Gj. D., D. B., B. G., V. P. dhe P. Sh., të gjithë banues në Theth, Shkodër, për të njëjtën vepër penale, pasi në banesat/bizneset e tyre respektive janë konstatuar lidhje të paligjshme të energjisë elektrike”, thueht në njoftimin e policisë.