Vijon mandatin kryebashkiaku i Kuçovës, Celibashi: S’ka shkak ligjor për shkarkim

Është marrë në Komisionin Qendror të Zgjedhjeve vendimi për kryebashkiakun e Kuçovës, Kreshnik Hajdari, ai do të vazhdojë mandatin.

“Nuk ka një shkak ligjor që kryetarit të bashkisë Kuçovë ti ndërpritet mandati”,-tha Celibashi.

Në seancën e sotme krahas përfaqësuesit ligjor të kryebashkiakut, në seancë janë të pranishëm dhe përfaqësuesit ligjor të koalicionit Bashkë Fitojmë si dhe ish-kandidati Lefter Maliqi.

“Të rroj diktatori! Këtu nuk pyesin as për drejtësi e as për asgjë. Ua solli prokuroria e përgjithshme provën, ça do bëni? Kështu e edukon ti vajzën tënde dhe unë timen?  Turp! Skandal! Bandida të shtetit. Po na bëni të gjithëve të largohemi nga vendi. Bandida të shtetit! Na rroftë që kemi mbaruar me 10 procedurë penale dhe kriminalistikë”,-tha Lefter Maliqi i revoltuar pas vendimit të marrë ndaj kryebashkiakut Hajdari.

Kujtojmë se Komisioni Qendror i Zgjedhjeve i është drejtuar Prokurorisë së Përgjithshme me një shkresë ku kërkonte verifikimin e pastërtisë së figurës së Hajdarit, i cili u zgjodh në 14 maj si kryebashkiak i Kuçovës.