Viktimat e aksidentit tragjik në Bullgari shumica të rinj, mes tyre 12 fëmijë

Një aksident tragjik i ndodhur në perëndim të Bullgarisë i mori jetën 46 shtetasve të Maqedonisë së Veriut, shumica e të cilëve raportohet se janë shqiptarë.

Autobusi i agjencisë ‘Besa’, ku udhëtonin 52 persona është përplasur në barrikadat e autostradës e më pas është përfshirë nga flakët. Autobusi udhëtonte në të njëjtin itinerar me 4 autobusë të së njëjtës agjenci.

Kryeministri i Maqedonisë së Veriut, Zoran Zaev i cili ka shkuar menjëherë në Bullgari pas ngjarjes së rëndë tha për mediat vendase të gjitha viktimat e aksidentit janë të rinj me moshë nga 25-30 vjeç, mes të cilëve edhe fëmijë.

Kreu i qeverisë së RMV tha se ka besim te autoritetet bullgare dhe se nuk do të kërkojë hetim paralel.

“Ne u besojmë kolegëve tanë bullgarë. Nëse ata kanë nevojë për ndihmë, ne jemi të gatshëm t’i ndihmojmë në hetim. Tani gjëja më e rëndësishme është të shohim se si t’i ndihmojmë viktimat”, shtoi Zaev.

Mesazhe ngushëllimi pas ngjarjes së rëndë kanë ardhur nga krerët e politikës shqiptare si kryeministri Edi Rama, presidenti Ilir Meta apo ministrja e Jashtme, Olta Xhaçka.

LEXONI GJITHASHTU:

• 46 persona humbin jetën në një aksident në Bullgari, shumica shqiptarë