Gazetarja Glidona Daci tha se vilat e sekuestruara njëra në emrin e shoqes së ish gruas dhe tjetra në emrin e bashkëjetueses, mund të jenë të dyja të ish zëvendës kryeministrit Ahmetaj.
Gazetarja ka thënë gjithashtu se tashmë do të hjapet një debat sa i takon çështjes së imunitetit të Ahmetaj, pasi sipas avokatëve të tij, SPAK ka shkelur kushtetutën pasi edhe për një natë, nëse fle një deputet në një banesë, ajo shtëpi ka imunitet
“Prokuroria e Posaçme i ka vendosur nën sekuestro sepse sipas informacioneve që ne kemi si në rrugë zyrtare si në rrugë jo zyrtare ka dyshime të forta që ato të jenë të Arben Ahmetaj. Për t’u ndalur pak tre vila që ndodhet në jug është në emër të shoqes së ish-gruas, çka sjell dyshime se Ahmetaj e ka vendosurnë atë emër në mënyrë që të mos gjendej, të mos sekuestrohej dhe të mos e lidhin atë drejtpërdrejtë me atë pronë.
Prona tjetër është në emrin e bashkëjetueses së tij. Patjetër që SPAK ka prova dhe fakte, por nga ana tjetër edhe mbrojtja ka provat saj. Debati më i madh që do bëhet tashmë në Gjykatën e Posaçme të Apelit lidhet me çështjen e imunitetit.
Sepse pretendohet për shkelje të kushtetutës nga ana e avokatëve mbrojtës, sepse duhet të jepet leja e Kuvendit për t’u kontrolluar banesa, sepse edhe për një natë nëse fle një deputet në një banesë ajo shtëpi ka imunitet. Duke qenë se Arben Ahmetaj ka bashkëjetuesen e tij me të cilën jeton prej vitesh, ka dhe një fëmijë të mitur, automatikisht sipas avokatëve e duhej marrë leja në Kuvend para se të bëhej kontrolli”,-tha gazetarja Glidona Daci.
LEXONI GJITHASHTU