Viti i fundit në tunelin e Llogarasë, buxheti jep edhe 50 mln €. Kur hapet rruga

Tuneli i Llogarasë do të hapet për publikun në qershor të vitit 2024. Deri në përfundimin e punimeve, buxheti do të financojë për të edhe 5.1 mld lekë, ose 50 mln euro.

Në projektbuxhetin e vitit 2024, tuneli i llogarasë do të marrë 50 mln euro. Këto para do të financojnë përfundimin e plotë të tij, që do të cojë edhe në hapjen e një rruge të re në drejtim rivierës në jug.

Tuneli i Llogorasë 5.9 km i gjatë, konisderohet një ndër veprat më të rëndësishme inxhinierike në vend, dhe parashikohet të përfundojë në qershor të vitit 2024.

Vënia në funksionim e këtij tuneli do t’i japi një zhvillim të madh jugut të Shqipërisë dhe lidhjen infrastrukturore që do të bëhet me aeroportin e Vlorës.

Puna për ndërtimin e tunelit të Llogorasë ka nisur më 14 nëntor të vitit 2021 dhe ritmi i punimeve ka ecur brenda parashikimeve.

Tuneli nis nga ura e Shën Elizës në zonën e Dukatit, deri në urën e Palasës. Ai do të përshkohet me shpejtësi deri në 80 km/orë.

Tuneli i Llogarasë ndodhet rreth 20 km në jug të Vlorës, dhe ka vlerë investimi 142 milionë euro.

Ai është i pajisur në secilën anë me trotuare 1.17 m të gjerë. Tuneli kryesor është 7.7 m i gjerë dhe 4.7 m i lartë.

LEXONI GJITHASHTU:

• Balluku inspekton punimet në tunelin e Llogarasë: Do përfundojë në 2024
• Hapet tuneli i Llogarasë, ja sa ka kushtuar rruga