Vizita e Blinken në Tiranë, zëdhënësi i DASH: Riafirmon marrëdhëniet SHBA-Shqipëri

Zëdhënësi i Departamentit Amerikan të Shtetit, Mathew Miller, reagoi këtë të martë në lidhje me vizitën e Sekretarit Amerikan, Antony Blinken, në Shqipëri.

Në një konferencë të mbajtur për mediat një ditë përpara vizitës së Blinken në Tiranë, Miller tha se Shqipëria është partner kyç për stabilitetin dhe përparimin në Ballkanin Perëndimor si dhe një zë i fortë i mbrojtjes së Ukrainës.

Sipas tij vizita e Blinken lidhet me riafirmimin e fuqisë së marrëdhënieve SHBA-Shqipëri.

“Sekretari Blinken do të niset nesër për të udhëtuar drejt Tiranës së Shqipërisë dhe Mynihut të Gjermanisë. Ky do të jetë udhëtimi i parë i Sekretarit në Shqipëri dhe gjatë qëndrimit atje, ai do të riafirmojë fuqinë e marrëdhënieve të Shteteve të Bashkuara me Shqipërinë”, shkroi Miller në rrjetin “X”.

.@SecBlinken is making his first trip to Albania to reaffirm the strength of the U.S.-Albania relationship. He will then travel to Germany for the Munich Security Conference with @VP Harris and underscore the importance of the enduring U.S. commitment to the NATO alliance. pic.twitter.com/EItT0ktylj

— Matthew Miller (@StateDeptSpox) February 14, 2024

LEXONI GJITHASHTU: 

• Zbardhet agjenda e Sekretarit Blinken në Tiranë: Takohet më Ramën dhe Dumanin
• Blinken në Tiranë, Kim: Ndalesë për të ardhmen e Shqipërisë, takim dhe me Begajn