Vizita e komisionit të arsimit nga Kosova, bën bashkë deputetët e PS dhe PD
Anëtarë të komisioneve për Arsimin nga Shqipëria e Kosova u takuan në ambientet e Ministrisë së Arsimit dhe Sportit.
Vizita e anëtarëve të Komisionit për Arsim, Shkencë, Teknologji, Inovacion, Kulturë, Rini dhe Sport i Kuvendit të Kosovës, bëri bashkë deputetë të majtë e të djathtë nga Komisioni për Edukimin dhe Mjetet e Informimit Publik i Kuvendit të Republikës së Shqipërisë.
Në këtë takim u diskutua për më shumë se një orë mbi ecurinë e marrëveshjeve ndërinstitucionale. sfidat e përbashkëta në fushën e arsimit dhe sportit, si dhe hapësirat për bashkëpunime të mëtejshme mes Shqipërisë dhe Kosovës.
“Me shumë kënaqësi prita sot në një takim të veçantë dy komisionet parlamentare të arsimit të Shqipërisë dhe Kosovës, ku diskutuam mbi ecurinë e marrëveshjeve të lidhura në kuadër të bashkëpunimit ndërinstitucional në fushën e Arsimit dhe Sportit mes dy vendeve tona. Vlerësuam punën e përbashkët për Abetaren Unike, tekstet e diasporës, Enciklopedinë Shqiptare, pranimet e studentëve në universitetet tona, si dhe projektet në fushën e kërkimit shkencor” – shkruan Ministrja Evis Kushi në një postim në rrjete sociale.
Kushi nënvizon se së bashku do të vazhdojnë punën intensive për të kapërcyer sfidat e kohës, ruajtjen e gjuhës shqipe në diasporë si dhe rritjen e cilësisë së arsimit për të formuar brezat e ardhshëm me aftësitë e reja të shekullit 21.
Gjatë takimit u diskutua mbi zhvillimin e përbashkët të kërkimit shkencor për faktet dhe historinë, përdorimin sa më efikas të kapaciteteve intelektuale të të dyja vendeve, jo vetëm të Shqipërisë e Kosovës, por edhe të hapësirës shqipfolëse.
Gjithashtu u theksua nevoja për unifikimin e teksteve historisë, gjuhës dhe letërsisë por edhe e të gjitha tekstet e mundshme. Në fokus ishte edhe Enciklopedia shqiptare, shfrytëzimi i përbashkët i infrastrukturës dhe laboratorëve të universiteteve, shkëmbimi i nismave dhe praktikave më të mira të të dyja vendeve në arsimin parauniversitar.
LEXONI GJITHASHTU:
Karamuço komenton protestën te Parlamenti: Nuk duhet kaluar kufiri drejt destabilizimit të vendit
Stuhi e fortë në Vranisht, Lumi i Vlorës përfshihet nga reshje intensive dhe erë e fuqishme (VIDEO)
Temperaturat e larta në Elbasan, mjekja: Fëmijët, të moshuarit dhe punëtorët më të rrezikuarit nga i nxehti
- 22:32 Vala e të nxehtit ekstrem godet Italinë, pesë viktima në 24 orët e fundit
- 22:31 Kryetarja e AfD: Gjermania duhet t’i japë fund bojkotit të naftës dhe gazit rus
- 22:30 Omani dhe Irani presion SHBA-ve për të mbledhur taksa nga anijet që kalojnë në Ngushticën e Hormuzit
- 22:25 “Rama gati të negociojë me protestuesit”, e zbulon Blendi Klosi dhe flet për “dorëheqjen” e Qeverisë
- 22:24 Karamuço komenton protestën te Parlamenti: Nuk duhet kaluar kufiri drejt destabilizimit të vendit
- 22:04 “Kjo nuk është Shqipëria e Re, është kaos i ri, anarki”, Klosi: Edhe ne si PS kemi protestuar



