Aktivistja e ‘Forza Italia’, Melisa Braci, është shprehur se vizita e kryeministres së vendit fqinj, Giorgia Meloni në Shqipëri gjatë ditës së nesërme, është një vizitë e paplanifikuar.

Komentet Braci i bëri në emisionin “Now me Erla Mëhillin” në Euronews Albania, ku tha se Meloni po e përdor marrëveshjen për emigrantët me Shqipërinë si një kartë të fundit për zgjedhjet europiane.

Ajo po ashtu tha se vizita e Melonit në Shqipëri mund të jetë edhe një favor që kryeministrja italiane po i bën Edi Ramës, pasi sipas saj, të gjithë faktorët e ‘Fratelli D’Italia’ kanë miqësi dhe raporte biznesi në Shqipëri.

“Kjo po diskutohet nga partitë e majta në Itali. PD në Itali e quan si një biznes të madh mes qeverisë italiane dhe shqiptare marrëveshjen për emigrantët. Nga mediat quhet si një vizitë blic, ndryshe nga ajo që thuhet nga mediat e tjera në Shqipëri. Pra një vizitë e paprogramuar më parë. Kjo ndodh pasi u gjet një arsye që është kjo e ‘javës italiane’.

Por Meloni po vjen për të proklamuar një marrëveshje që është në favor vetëm të saj politik. Nuk janë të interesuar italianët nëse bie Rama nesër apo sot. Sa i përket Ramës, nuk është se përflitet Rama për marrëveshjes, por Meloni. I vetmi diskutim këtu është vetëm Meloni. Por kjo mund të jetë edhe një favor që Meloni i bën Ramës. Të gjithë faktorët e ‘Fratelli D’Italia’ kanë miqësi dhe raporte biznesi në Shqipëri.

Kështu që është një favor i ndërsjelltë kjo vizitë. Një kartë e fundit për zgjedhjet Europiane, pasi Meloni nuk mund të luajë me karta të tjera. Politika që mund të proklamojë është ajo e migrimit dhe kundër emigrimit. Do të shfaqet para italianëve si një mbrojtëse e italianëve”, tha Braci.

LEXONI GJITHASHTU:

• Meloni viziton nesër Shqipërinë, inspektim në kampin e emigrantëve në Shëngjin
• “T’i japim një përqafim Ramës”-Meloni: E “masakruan” për marrëveshjen për emigrantët