Vjosa Osmani u kërkon partive politike emrat për anëtarë të rinj të KQZ-së

Presidentja e Kosovës Vjosa Osmani u ka kërkuar partive politike t’i propozojnë emrat për anëtarë të rinj në KQZ, ka bërë të ditur për Kosovapress Bekim Kupuna nga Presidenca.

Ajo tashmë ua ka dërguar një shkresë grupeve parlamentare që janë regjistruar në Kuvendin e Kosovës.

Ligji për Zgjedhjet obligon presidenten që jo më vonë se 30 ditë pas certifikimit të zgjedhjeve parlamentare t’ua kërkojë grupeve parlamentare propozimet për anëtarë të KQZ-së.

“Presidenti i Republikës së Kosovës, bazuar në rezultatet që kanë dalë nga zgjedhjet e përgjithshme, jo më vonë se 30 ditë pas certifikimit të zgjedhjeve për Kuvend, u kërkon grupeve parlamentare/subjekteve politike që të propozojnë me shkrim kandidatët për anëtar të KQZ”, thuhet në paragrafin 6 – neni 61.

LEXONI GJITHASHTU:

• Emisari i BE-së për dialogun Kosovë-Serbi vizitë të papritur në Prishtinë
• Kosova mbyll sërish institucione paralele serbe në Veri