VKM/ Qeveria alokon fond shtesë për KQZ për zgjedhjet e 11 majit

Ndërkohë që kanë nisur përgatitjet për zgjedhjet parlamentare të 11 majit, qeveria ka alokuar një fond shtesë për Komisionin Qendror të Zgjedhjeve.

Këshilli i Ministrave ka vendosur në mbledhjen e kësaj të enjteje më , 22 janar, që KQZ t’i japë shtesë 2.5 mld euro.

Ky fond, sipas vendimit të qeverisë, do të shkojë për shpenzimet e KQZ për organizmin e zgjedhjeve

Gjithashtu pritet që qeveria të akordojë edhe një tjetër fond për votën e diasporës, për të cilën shteti do të paguajë koston totale, edhe të dërgimit, por edhe marrjes së zarfit me fletën e votimit. Për të bërë të mundur këtë, PD e PS janë dakordësuar dhe tashmë pritet vetëm votimi në Kuvend i ndryshimeve të Kodit Zgjedhor.

Vendimi i Këshillit të Ministrave:

Në mbështetje të nenit 100 të Kushtetutës dhe të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të pikёs 3, tё nenit 14, të ligjit nr.115/2024, “Për buxhetin e vitit 2025”, me propozimin e ministrit të Financave, Këshilli i Ministrave

1. Komisionit Qendror të Zgjedhjeve, në buxhetin e miratuar për vitin 2025, i shtohet fondi prej 2 500 000 000 (dy miliardë e pesëqind milionë) lekësh, për organizimin e zgjedhjeve për Kuvend të datës 11 maj 2025, i cili detajohet, si më poshtë vijon:

– 2 460 000 000 (dy miliardë e katërqind e gjashtëdhjetë milionë) lekë, në zërin “Shpenzime korrente”, në programin buxhetor 01620 “Zgjedhjet e përgjithshme dhe lokale”;

– 40 000 000 (dyzet milionë) lekë, në zërin “Shpenzime kapitale”, në programin buxhetor 01620 “Zgjedhjet e përgjithshme dhe lokale”.

2. Efekti financiar, i përcaktuar në pikën 1, të këtij vendimi, përballohet nga fondi për zgjedhjet e përgjithshme, miratuar për vitin 2025.
3. Ngarkohen Ministria e Financave dhe Komisioni Qendror i Zgjedhjeve për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

LEXONI GJITHASHTU:

• Konfiskimi i kateve pa leje, juristi zbërthen VKM-në: Mekanizëm legalizimi pa kosto
• Kapen sërish armë e pajisje për kriptovaluta në veri të Mitrovicës