‘Greqia t’i thërrasë mendjes, duhet klimë reciprociteti’, thotë ish-komandanti

Prej 10 ditësh ekspertë të ndryshëm kanë ngritur shqetësimet për kërkimet për hidrokarbure që po kryen shteti grek në ujëra të kontestuara mes dy vendeve.

Vladimir Beja, ish-komandanti i Flotës Detare shqiptare, tha për Euronews Albania se arritja e një marrëveshjeje për detin me Greqinë kërkon klimë reciprociteti dhe miqësie nga shteti fqinj, që sipas tij mungon.

Për Bejën, ndarja e detit me Greqinë është lehtësisht e zgjidhshme, pasi në mes është zgjidhja historike.

“Fqinji jonë jugor është shumë i vështirë. Një marrëveshje kërkon kompromis, por edhe klimë reciprociteti dhe miqësie. Greqia është fqinji jonë më i vjetër, pres që Greqia t’i thërresë mendjes dhe të mos sillet me Shqipërinë me megalomani duke e parë si një shtet i brishtë. Duhet ta shohë Shqipërinë si një partner. Si ekspert këmbëngul se ndarja e detit me Greqinë është fare e thjeshtë dhe lehtësisht e zgjidhshme. Është zgjidhja historike, kemi 100 vjet që pala greke nuk ka asnjë notë për kufirin tonë dhe ne për ata dhe të dalësh pas 100 vjetësh që ne s’paskemi pasur kufi me Greqinë kjo është një alibi e shëmtuar”, tha Beja.

LEXONI GJITHASHTU:

• Pse Rama u tërhoq nga dakordësia për detin? Flet ish.zv komandanti i Forcës Detare
• Greqia kërkon naftë në detin Jon, Meçollari: Është zonë e kontestuar