Vllaznia kërkon finalen e kupës, Egnatia një ‘makth’ për shkodranët

Kupa e Shqipërisë rikthehet të mërkurën me ndeshjet e kthimit të fazës gjysmëfinale, konkretisht përballjet Egnatia-Vllaznia dhe Teuta-Tirana. Bardheblutë e kanë të sigurt kalimin në stacionin e fundit, pas triumfit 3-0 në Elbasan. Ndeshja e kthimit në Niko Dovana nuk pritet të jetë problem.

Llogaritë janë të hapura në gjysmëfinalen tjetër, atë mes Egnatias dhe Vllaznisë.

Trajneri i shkodranëve, Goce Sedloski kërkon nga skuadra forcë në këto 4 javë të mbetur kampionat.

“Kanë mbetur edhe 4 ndeshje deri në përfundim. Sikundër çdo ndeshje e rëndësishme, e tillë është dhe ajo e kupës. Duhet të mbledhim mendjen, pasi jemi në fund të sezonit. Të mërkurën duhet të zhvillojmë ndeshjen tonë më të mirë”.

Më tej, tekniku maqedonas ka shtuar se mungesat mbeten problem.

“Do të jetë një ndeshje komplet tjetër nga ajo në kampionat. Ne kemi disa mungesa, mes tyre dhe Bekim Balaj, e të tjerë lojtarë të formacionit bazë, por duhet të japim shpirtin në fushë. Egnatia është një ekip i mirë, por duhet të mbledhim veten e të luftojmë.

Egnatia-Vllaznia luhet të mërkurën në Rrogozhinë në orën 15, ndërsa përballja tjetër Teuta-Tirana në orën 17.

LEXONI GJITHASHTU:

• Gjysmëfinalet e kupës | Vllaznia përballet me Egnatian, Tirana me Teutën
• Vllaznia largon trajnerin Mirel Josa