“Vlora u mbyt nga tymi”, Cara: Problem është djegia e mbeturinave

Arben Cara kreu i shërbimit zjarrfikës, ishte mëngjesin e kësaj të hëne i ftuar në “Good Morning Albanians” në Euronews ku foli për situatën e zjarreve në vend.

Ai tha se në vend ka pasur shumë zjarrvënie të qëllimshme. Cara tha gjithashtu se në Vlorë është bërë një problem shumë i madh djegia e mbeturinave, e cila ëhstë bërë e pamenaxhueshme.

“Landfilli i Vlorës është kthyer në një boomerang, pasi shpesh zjarrfikësit e Vlorës përballen me vatrën e zjarrit në këtë landfill. Aty krijohet një re e madhe tym. Është punuar 24 në 24.

Mbeturinat digjen pasi është një hambar i madh me mbeturina, gjë që e bën të pamundur që zjarrfikësja e Vlorës ta menaxhojë. Aty ka vetëm një zgjidhje që duhet ta ndërmarrë bashkia. Mbeturinat duhet të groposen, se sado ujë të hedhësh aty, është e pamundur të menaxhohet”,-tha Cara.

LEXONI GJITHASHTU:

• Vlorë|Zjarr në fshatin Gjorm, nuk ka mjaftueshëm punonjës për shuarjen e flakëve
• Zjarrvënia e rrjetit hekurudhor në Francë, “sabotim” pak para Lojërave Olimpike