Vlorë| 240 peshkatarë pa kushte, anijet po ndryshken, rrezikojnë falimentimin

Në Triportin e Vlorës operojnë afro 240 peshkatarë, të cilët çdo ditë dalin në det me shpresën se grepat dhe rrjetat do të kenë bollëk. Ajo që i shqetëson ata në punën e përditshme, janë kushtet dhe infrastruktura në portin e peshkimit. Afro 80 anije peshkimi me dhjetra kapitenë dhe peshkatarë që ankorohen në Triport nuk trajtohen në mënyrën e duhur nga institucionet përkatëse. Gjendja ku ata ndodhen mund ti çojë drejt falimentimit.

“Ne në rradhë të parë na mungon që porti, korenti, uji. I shikon këto anijet si janë bërë, katrahur, s’ka ujë ti lash”, tha njw prej tw pyeturve.

Ata thonë se paguajnë të gjitha detyrimet ndaj shtetit, por ky i fundit i ka lënë në harresë.

“Licesën e pagojmë, detyrimet ja pagojmë, taksën ja pagojmë, naftë nuk marrin anijet e vogla, e blejmë atje. Ja ke drita? Ke ujë? Vemi mbushim te pusi. Prej sa vitesh ka kjo situatë kështu? Tërë jetën kështu”, tha ai.

Mbi shqetësimet e tyre janë prononcuar edhe përgjegjës të sektorit të peshkimit në qytetin e Vlorës, të cilët e pohojnë të vërtetën e peshkatarëve dhe flasin për një planprojekt, i cili pritet të ndryshojë situatën në sektorin e peshkimit.

“Niveli i peshkimit në Vlorë është i organizuar me mjete primitive, grepa, trata të cilat i përdorin anijet, kushtet janë shumë të  vështira, kjo krijon problematika”, tha ai.

“Tani ka filluar një plan për sistemimin e triportit, ku do të akostohen të gjitha mjetet e peshkimit, në procesin fillestar të investimit”, shtoi ai.

Peshkimi është një nga industritë bazë për qytetin bregdetar, rëndësia e të cilit po zhvlerësohet çdo vit e më shumë. Në këtë sektor jetik për qytetin, kulinarinë dhe sektorin e turizmit, mungojnë kushtet elementare të punës.

LEXONI GJITHASHTU:

• Peshkimi merr 4.6 mln euro, rritet fondi për investime e subvencione
• Gjendet i mbytur në rrjetat e peshkimit djali 11-vjeçar i aktorit të njohur grek