Profesori Arsim Sinani ishte këtë të shtunë i ftuar në Euronews Albania për të folur rreth situatës politike në Republikën e Maqedonisë së Veriut.

Ai bëri një pasqyrim të shkurtër të situatës politike në RMV ku theksoi mes të tjerave se duket se VMRO-DPMNE nuk do ta kenë më të lehtë marrjen e pushtetit pasi kanë orientime të cilat sipas tij nuk janë të pëlqyeshme nga perëndimi.

“Partitë politike maqedonase ta harrojnë se do të kenë partnerë koalicioni, parti shqip[tare të cilat vetëm do të kënaqin egot personali të një grupi të vogël njerëzish dhe nga ana tjetër shqiptarët do ti sundojnë. Lidhja socialdemokrate e Maqedonisë ka probleme të brendshme organizative dhe kjo tregon për një rënie të saj dhe tani i duhet pak nacionalizëm për të mbetur në pushtet.

Unë dëshiroj t’ju përkujtoj se presidenti aktual i Maqedonisë i cili erdhi si rezultat i ndihmës së Bashkimit Demokratik për Integrim dhe partive opozitare shqiptare, do të dëshirojë të marrë një mandat, por një president maqedonas pa shqiptarët brenda është e dëmshme. Nga ana tjetër, VMRO-DPMNE nuk po e merr veten. Ka një orientim i cili nuk është i pëlqyer nga perëndimi. Kam përshtypjen se kjo do të ketë probleme serioze të për të ardhur në pushte, pavarësisht se duket sikur ka një avantazh të lehtë”,-tha Sinani.

LEXONI GJITHASHTU:

• Dy vite nga agresioni rus, ambasadori i Ukrainës në Shqipëri: Ju jam mirënjohës
• Osmani: Ne i qëndrojmë përkrah Ukrainës, liria do të triumfojë