Vodhi 23 mijë euro në banesën në Fier, arrestohet 48-vjeçari

Një 48-vjeçar është arrestuar nga policia e Fierit, pasi rezulton autor i vjedhjes së një shume prej 23 mijë euro në një banesë në qytetin e Fierit.

Në vijim të veprimeve procedurale për këtë rast, u procedua penalisht në gjendje të lirë dhe vajza e tij, shtetasja M.L., 22 vjeçe, pasi dyshohet se ka bashkëpunuar me 48-vjeçarin, për të kryer këtë vjedhje.

Gjatë kontrolleve në banesën e 48-vjeçarit, policia gjeti dhe sekuestroi në cilësinë e provës materiale, 8100 euro të dyshuara nga shuma e vjedhur në banesën e shtetasit V. M.

Zbardhja e vjedhjes vjen pas një ngjarjeje tjetër të zbuluar ditën e djeshme nga policia.

Policia në të cilën u grabit shuma e parave është, banesa e 61-vjeçarit të arrestuar të mërkurën, pasi në oborrin e banesës iu gjetën 3 pistoleta, 1 pushkë dhe municion luftarak.

Materialet procedurale në ngarkim të 48 vjeçarit dhe vajzës së tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Balla me Operacionalen në Durrës: Kush nuk e bën detyrën nuk e mban dot pozicionin
• Zjarri në Zhamë të Lushnjës, Balla në terren për të ndjekur nga afër situatën