Von der Leyen nga Prishtina: Kosova të bëjë Asocacionin, Serbia njohjen “de-facto”

30 Tetor 2023 | 15:15

Presidentja e Komisionit Evropian, Ursula von der Leyen, ishte këtë të hënë në një vizitë zyrtare në Prishtinë, ku u ndal tek dialogu Kosovë-Serbi për normalizimin e marrëdhënieve mes dy vendeve.

Von der Leyen ftoi Kosovën që të nisë zyrtarisht procedurën për zbatimin e Asocacionit.

Nga ana tjetër presidentja e Komisionit Evropian i bëri thirrje Serbisë që të ndërmarrë hapat konkrete për njohjen e Kosovës.

“Ftojmë Kosovën të nisë procedurën për zbatimin e Asociacionit, kurse Serbia duhet të pranojë njohjen de-facto. Kjo është mënyra e vetme për të shkuar përpara”, tha presidentja e KE-së.

Ajo shtoi se e njëjta thirrje për njohje do të bëhet dhe në Beograd, gjatë vizitës në Serbi që pritet të mbajë në vijim në kuadër të turit ballkanik.

“Edhe në Serbi atje do ti diskutoj edhe hapat që duhet të ndërmerr Serbia për njohjen de-facto”, tha Von der Leyen.

Presidentja e KE-së dënoi gjithashtu sulmin e ndërmarrë nga paramilitarët serbë në Banjskë.

“Ne fuqishëm dënojmë sulmet e dhunshme të 24 shtatorit, dhe shpreh ngushëllimet për familjet, miqtë dhe kolegët e policit të vrarë. Një sulm i tillë është tërësisht i papranueshëm, dhe kryerësit duhet të sillen para drejtësisë”, tha Von der Leyen.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Operacion kundër krimit të organizuar, arrestohen 9 persona në Kosovë. Sekuestrohen para, makina dhe armë (VIDEO)

Një operacion kundër krimit të organizuar është zhvilluar në pika të ndryshme në Kosovës. Sipas njoftimit të përbashkët të Prokurorisë Speciale dhe Policisë së Kosovës...
15:23 | 01/07/2026

U raportua i zhdukur pasi u zhyt në Liqenin e Batllavës, gjendet i vdekur 25-vjeçari

Një ngjarje e rëndë është regjistruar në Liqenin e Batllavës, ku është gjetur pa shenja jete një 25-vjeçar, i cili ishte raportuar i zhdukur pasi...
13:44 | 01/07/2026

Gjykata vendos dëbim, ndalim hyrjeje në Kosovë dhe gjoba për të ndaluarit gjatë Vidovdanit

Gjykata Themelore në Prishtinë ka shqiptuar masën e dëbimit dhe ndalimin e hyrjes në Kosovë për tre vjet, si dhe gjoba për personat e ndaluar...
12:40 | 01/07/2026