Vonesat nga vetingu, avokatja: Do të bjerë çatia e shtetit, pasojat në të ardhmen

Temë e emisionit “Review” në Euronews Albania ishin dosjet e vetingut dhe vonasat që kanë lindur në shqyrtimin e çështjeve gjyqësore si pasojë e reformës në drejtësi.

E ftuar në emision, avokatja Brikena Kasmi tha se vonesat që kanë ardhur si pasojë e vetingut do t’i kenë pasojat për brezat e ardhshëm.

Sipas saj, së fundmi ka pasur një shtim të rasteve në Strasburg për mungesën e një procesi të rregullt ligjor në Shqipëri, çka ka është tregues që i gjithë sistemi i drejtësisë ka rënë.

Ajo u shpreh se nëse bie i sistemi i drejtësisë, në të ardhmen mund të bie dhe vetë shteti, apsi drejtësia është një nga hallkat që e mban atë.

“Kohëzgjatja e proceseve gjyqësore ka një problem madhor që do ta ndiejnë brezat e ardhshëm. Që do të thotë se përveç faturës financiare, ka një humbje të së drejtës. Nëse iu i referoheni Gjyaktës së Strasburgut ne flasim aty për nenin 6 dhe për protokollin 1 që është e drejta e pronës. Nuk po flasim më për të drejtën e pronës, por po flasim për nenin 6 që është procesi i rregullt ligjor. Nëse shkojmë për procesin e rregullt ligjor do të thotë që ty të mungon hallka e pushtetit këtu. Ke 1/3 e pushtetit, se shteti ka tre shtylla dhe njëra nuk po qëndron. Do të bjerë çatia e shtetit dhe këtu flas për të ardhmen”, tha avokatja.

Ndiqni emisionin e plotë këtu: 

LEXONI GJITHASHTU:

• A po rikthehen shqiptarët te Kanuni? Kasmi flet për vonesat në sistemin e drejtësisë
• Gazetarja: Dëmshpërbimi i personave të larguar nga puna kap vlerën 127 mln euro
• Dosjet e vetingut| Haka: Drama e 79-vjeçarit, pret gjyqin për pensionin 2000 lekë