Voton Haradinaj: Sot është dita për të marrë vendimet

Kryetari i Aleancës për Ardhmërinë e Kosovës, Ramush Haradinaj sapo ka ushtruar të drejtën e tij për të votuar për qeverisjen katër vjeçare të Decanit. Ai u shoqëruar nga nëna e tij.

Për dallim nga herët e kaluara kur Haradinaj si banor i komunës së Prishtinës këtë të drejtë e ushtronte duke votuar për të parin e kryeqytetit kësaj radhe ai është regjistruar si banor i Deçanit dhe sot votoi në shkollën fillore të mesme të ulët “Heronjtë e Dukagjinit”, në Gllogjan.

Pasi votoi kreu i AAK-së, tha se sot është dita për të marrë vendime prandaj ftoi qytetarët të dalin të votojnë dhe të vendosin.

“Unë e kreva obligim tim qytetarë dhe e shfrytëzova të drejtën time për të votuar së bashku më nënën, Suzanen dhe Antigonën një pjesë e familjes votojmë në Gllogjan, Anita dhe Gjini në Prishtinë tash po shkoj vetëm t’iu bashkohem atyre. I ftoj qytetarët e vendit gjithë me votu parlamentet komunale kryetarët e komunave kanë shumë rëndësi në standardin jetën gjitha çështjet që ata i preokupojnë sot është dita me i marrë vendimet pra votoni vendosni”, tha ai

I pyetur nga KosovaPress se pse në këtë proces zgjedhor e ndryshoi qendrën e votimit, kryetari i AAK-së, Ramush Haradinaj duke mos treguar arsyen tha se ishte ndjenjë e mirë të votoj në vendlindje.

“Për shkakun nuk po foli më, por vetëm po iu them që qenka ndjenjë e mirë me votu në vendlindje në shkollën ‘Heronjët e Dukagjinit’, në Gllogjan më ka votuar baba familja diçka e jashtëzakonshme pata një përjetim shumë të mirë”, tha ai.

Në komunën e Deçanit të drejtë vote kanë 43 mijë e 759 qyetetarë prej tyre 41 mijë e 444 janë votues brenda në Kosovë dhe 2 mijë e 320 votues nga diaspora.

LEXONI GJITHASHTU:

• Zgjedhjet lokale në Kosovë, garë vendimtare për Prishtinën, Prizrenin dhe Gjilanin
• KQZ: Procesi i votimit ka nisur në të gjitha qendrat e votimit në Kosovë