Voton kryebashkiaku Veliaj: Mezi pres ta çojmë këtë proces në fund me qetësi

Kryetari i Bashkisë Tiranë, Erion Veliaj ka votuar në qendrën e votimit pranë Parkut Olimpik. I shoqëruar nga bashkëshortja e tij Ajola Xoxa, Veliaj i është drejtuar kutisë me shpresën për një mandat të tretë.

“Shumë faleminderit për kontributin. Jam në dijeni që keni pasur disa avari, jo dramatike, por KQZ-ja ka qenë e pamundur të gjenerojë dhe emetojë identifikimin elektronik me sistemin që ka pasur. Më vjen mirë që më në fund ka një vendimmarrje që të kalojmë në sistemin manual. Gjithmonë duhet të prevalojë e drejta e qytetarëve për t’u shprehur sesa e drejta e teknologjisë.

Ftesa për të gjithë qytetarët që mund të jenë dekurajuar është që të rikthehen në qendrat e votimit. Është shumë e rëndësishme të dalin të votojnë për të ardhmen, për fëmijët. Janë fatet e qytetit për 4 vitet e ardhshme, janë fatet e fëmijëve tanë, janë projektet e qytetit në lojë dhe në pikëpyetje, kështu që është shumë e rëndësishme që secili të dëgjohet dhe vendimmarrja të na udhëheqë. Mezi pres ta çojmë këtë proces deri në fund me qetësi,” – u shpreh Veliaj.

LEXONI GJITHASHTU:

• Voton Roland Bejko: I vetmi demokrat në garë jam unë!
• Votuesi godet me grusht anëtarin e komisionit, thirret policia në Fushë Krujë