“Vrasësit e hënës së luleve” në kinema

Filmi më i fundit i Martin Scorcese, “Killers of the Flower Moon”, është pritur me komente pozitive që nga regjia deri tek aktrimi.

Historia e përshtatur nga romani me të njëjtin emër i David Grann mban lojën e shkëlqyer të Leonardo DiCaprio në rolin e veteranit të Luftës së Parë Botërore Ernest Burkhart, Lily Gladstone si gruaja e tij Mollie Kyle, dhe Robert De Niro i cili luan xhaxhain e Burkhart, William K Hale.

“Vrasësit e Hënës së Luleve” rrëfen një histori tmerri të mbushur me mashtrime dhe vdekje në Oklahoma në vitet 1920. Pasi u zbulua se një sasi e madhe nafte gjendej brenda tokës që i përkiste popullit Osage, një biznesmen i bardhë dhe i vetëshpallur “mik i vërtetë” i fisit orkestroi vrasjet brutale që u njohën si “Mbretërimi i Terrorit”.

Bazuar në një histori të vërtetë, e treguar përmes romancës së pamundur të Leonardo DiCaprio dhe Lily Gladstone, “Killers of the Flower Moon” është një sagë epike e krimit perëndimor, ku dashuria e vërtetë kryqëzon rrugët me tradhtinë.

Martin Scorsese ka takuar gjithashtu pasardhësit e fisit Osage të Oklahomas për të siguruar që filmi përshkruan me saktësi “Mbretërimin e Terrorit”.

Kryevepra e Martin Scorsese synon jo thjesht të tregojë historinë, por të zgjojë një konfrontim kolektiv mbi vrasjen e racializuar.

LEXONI GJITHASHTU:

• Algjeria ndalon shfaqjen e filmit “Barbie” nëpër kinema
• Kinema verore në Durrës, në shkallët e sfinksit qytetarët shijojnë magjinë e filmave