Vrasja e 8-vjeçarit, Nora Malaj: Fatkeqësia më e madhe është se kemi institucionin e harresës

Nora Malaj, pedagoge e psikologjisë dhe edukimit tha gjatë emisionit ‘Now’ në Euronews Albania se vrasja makabre e 8-vjeçarit në Fier një ditë më parë është një ngjarje e paralajmëruar, duke qenë se vrasësi është një kontigjent që pritshëm mund të degjeneronte deri këtu.

E kundërta mund të ndodhte, tha znj, Malaj nëse ai apo njerëz si ai do të kishin vëmendje e institucioneve.

Fatkeqësia më e madhe në ngjarje të tilla sipas saj, është institucioni harresës, që ngjarje të tilla fashiten pa u reflektuar dhe reaguar për të parandaluar.

“Ne gjithmonë bëjmë refleksione shumë të fortë kur ka ngjarje të tilla dhe fatkeqësia më e madhe është se ne kemi institucionin e harresës. Ka ardhur një moment që duhet  të shkundemi fort, të kuptojmë që po jetojmë në këtë shoqëri dhe duhet ta kthejmë në kryefjalë të debatit jo vetëm sot, por ka ardhur momenti për një qasje ndryshe të këtij problemi, duke filluar me ndryshime të fenomeneve të shoqërisë që po bëhen e përditshme e jetës sonë”, tha znj. Malaj.