Vrasja e babait nga fëmijët, Sociologu: Familjet shqiptare kanë dalë nga “binarët”

Sociologu Gëzim Tushe është shprehur se për fat të keq familja shqiptare ditët e sotme ka dalë nga binarët.

Komentet Tushe i bëri në një lidhje për Euronews Albania, ku tha se kriminaliteti në familjet shqiptare po zgjerohet dhe kjo sipas tij vjen edhe për shkak të kornizës kulturore.

Lidhur me rastin e vrasjes së 50-vjeçarit Pëllumb Meta në Durrës nga familjarët e tij, Tushe tha se ky rast është pak i komplikuar dhe duhet pritur përfundimi i hetimeve.

“Në shoqërinë shqiptare, sot për fat të keq, për turp të shoqërisë sonë, familja shqiptare ka dalë nga binarët. Është bërë problematike. Nuk them se në familjen perëndimore nuk ka konflikte dhe krime. Rasti i dhunës në këtë familje është vërtet i komplikuar.

Do pak kujdes në pjesën e kësaj dialektikës së krimit, sepse nuk është e qartë, është pjesë e hetimit. Ky rast është vazhdim i rasteve të tjera.

Arsyet pse po zgjerohet kriminaliteti në familjen shqiptare, ka të bëjë me kornizën kulturore. Unë mendoj se duhet të kemi një reagim të prerë dhe mediatik. Edhe nëse babai ka qenë i ashpër apo i dhunshëm, krimi nuk duhet të kishte ndodhur”, tha Tushe.

LEXONI GJITHASHTU:

• Vrasja e babait, Bushkola: Trupi u zhvendos natën, pse makina ishte “çelësi”
• Gazetari zbulon dëshmitë e shoqeve të Hygertës: Erdhi në shkollë edhe pas vrasjes