Vrasja e Pjerin Xhuvanit, Gjykata rrëzon kërkesën e Prokurorisë për dëshminë Bardhit

Ka përfunduar seanca për vrasjen e Pjerin Xhuvanit, ku i pandehur është ish-efektivi i RENEA-s Arbër Paplekaj.

Gazetarja e  Euronews Albania,  Iris Shabani bën me dije se seanca e radhës do të mbahet  më datë katër Prill.

Ndërkohë, Gjykata e Elbasanit rrëzoi kërkesën e Prokurorisë së Elbasanit e cila kërkoi që deputeti i Partisë Demokratike, Gazmend Bardhi të thirret si dëshmitarë në seancën në ngarkim të Arbër Paplekajt, pasi asokohe deputeti ishte drejtues politik i PD-së  në qarkun e Elbasanit.

Ngjarja e rëndë në Elbasan ka ndodhur pak ditë para zgjedhjeve të 25 prillit, ku siç u tha pati shkëmbim zjarri kur u kap makina e shtabit të PS-së nga Struktura e Mbrojtjes së votës, e ngritur nga PD, duke shpërndarë para në këmbim të votës.

I vrarë mbeti Pjerin Xhuvani, u plagos një efektive policie Xhensila Sota dhe tre persona të tjerë.

Arbër Paplekaj akuzohet për veprat penale “Vrasja në rrethana të tjera cilësuese kundër dy ose më shumë personave dhe në mënyrë të rrezikshme për jetën e shumë personave”, “Vrasja e punonjësve të Policisë së Shtetit, e mbetur në tentativë”, “Heqja e paligjshme e lirisë e kryer me dhunë” në bashkëpunim.

LEXONI GJITHASHTU: 

• Zbulohen dy ‘shtëpi bari’ në Krujë, arrestohen dy vëllezërit (EMRAT)
• Zbardhet lista e kandidatëve të Partisë Demokratike për këshilltarë në Tiranë