Vrasja e policit në Serbi, reagon Albin Kurti

Një polic serb është vrarë dhe një tjetër është plagosur gjatë një sulmi me armë në pikën e kalimit kufitar Loznicës.

Sipas mediave serbe autori i ngjarjes është një shqiptar nga Kosova i identifikuar si shtetasi Artan Hajziri.

Lidhur me këtë ngjarje ka reaguar edhe kryeministri i Kosovës, Albin Kurti, i cilii ka thënë se nuk ka për të shtuar asgjë përveç asaj që është publike për këtë rast dhe që organet e sigurisë në Kosovë po grumbullojnë informacione.

Ai ka bërë thirrje që të mos politizohet ky rast.

“Autoritetet tona kompetente, Ministria e Punëve të Brendshme, Ministria e Punëve të Jashtme, Policia, do ta informojnë publikun për gjendjen aktuale se ku jemi dhe çfarë duhet bërë në të ardhmen. Edhe unë pres që të japin deklaratat e tyre profesionale, sepse ne besojmë se kjo çështje nuk duhet të politizohet, por të trajtohet si e tillë, nga pikëpamja e sigurisë, ligjore dhe profesionale”, ka thënë Kurti në një konferencë për media në mëngjes.

Ministria e Jashtme e Kosovës ka thënë se po ndjek nga afër zhvillimet përmes Zyrës së saj Ndërlidhëse në Beograd.

LEXONI GJITHASHTU:

• Vrasja e policit në Serbi, reagon presidenti Aleksandër Vuçiç
• Kush është shqiptari që Serbia po e akuzon për vrasjen e policit në Loznicë