Vrasja e policit të Kosovës në Veri, Vuçiç i drejtohet pasdite kombit

Zyra për Kosovën në Qeverinë e Serbisë ka thënë se presidenti serb, Aleksandër Vuçiç do t’i drejtohet kombit përmes një fjalimi.

Një konferencë e jashtëzakonshme, e planifikuar për orën 14:00 nga shefi i kësaj Zyre, Petar Petkoviç – është anuluar.

“Presidenti i Serbisë, Aleksandar Vuçiç, do t’i ekspozojë të gjitha gënjeshtrat dhe shakatë e Albin Kurtit, krijuesit të kaosit dhe ferrit në Kosovë e Metohi”, ka thënë Zyra për Kosovën në Qeverinë e Serbisë.

Kryeministri i Kosovës, Albin Kurti e ka dënuar vrasjen e një zyrtari policor të dielën në Banjskë të Zveçanit.

Ai ka thënë se sulmi ka qenë terrorist dhe për të e ka mbajtur fajtore Serbinë.

LEXONI GJITHASHTU:

• Me uniforma dhe autoblinda, Kurti nxjerr fotot: Po sulmojnë policinë, kërkojnë luftë
• Kurti: 30 persona me uniforma e të armatosur rëndë vijojnë të sulmojnë policinë tonë