Vrasja në Greqi, e motra e 36-vjeçares: Ai e linte shtatzënë që të mos divorcoheshin

Motra e Marjola Nakolecit që u vra nga bashkëshorti i saj 40-vjeçar në Volos të Greqisë foli për abuzimin që viktima përjetoi në martesën e saj. Siç deklaroi e motra, 36-vjeçarja duroi dhunë fizike dhe seksuale nga bashkëshorti i saj që e përdhunonte dhe e linte shtatzënë, me qëllim që mos të divorcohej nga ajo.

“Ajo shkonte dhe bënte aborte shpesh”, tha ajo, duke theksuar se 40-vjeçari e kërcënoi se “nëse divorcohej prej tij, ai do të bënte më keq”, tha e motra e viktimës.

Sipas saj, çifti u takua në moshë të re. Megjithatë, sjellja e 40-vjeçarit Pandi Nakoleci ndryshoi në mënyrë dramatike kur ata u bënë me fëmijë.

Kur ai pati fëmijë, ai ndryshoi. Ai u bë abuziv, e rrihte”, tha motra e 36-vjeçares.

Motra e viktimës zbuloi se familja ishte ne dijeni për abuzimet, por nuk paraqisnin nkesa tek autoritetet përkatëse.

“Për shumë vite nuk folëm dhe është faji ynë. Sepse i thoja motrës sime të divorcohej, por ajo kishte frikë. Bëra gjithçka që munda për ta ndihmuar, me para, por ajo nuk mundi të përballonte. Ai u thoshte fëmijëve ‘qëndroni larg, mbylleni gojën’ dhe e rrihte para tyre”, shtoi motra e 36-vjeçares.

LEXONI GJITHASHTU:

• Vrau gruan në sy të fëmijëve, arrestohet autori i krimit në Greqi
• Krim në familjen shqiptare në Greqi, burri vret gruan! Djali: Pashë babin me thikë