Vrasje me thikë në Fier, humb jetën 19-vjeçari

Një sherr ka ndodhur pak minuta me parë në qendër të qytetit të Fierit, ku për pasojë 19-vjeçari i identifikuar si Grei Bihuci, ka humbur jetën pasi është plagosur me thikë nga njën 18-vjeçar

Burime bëjnë me dije se i riu ka qenë nxënës i shkollës “Petro Sota” dhe studionte për teknologji informacioni.

“Rreth orës 11:30, në bulevardin “Jakov Xoxa”, shtetasi Fatjon Muka, 18 vjeç, gjatë një konflikti për motive të dobëta ka plagosur me mjet prerës (thikë), shtetasin Grei Bihuci, 19 vjeç, i cili si pasojë e plagëve të marra ka humbur jetën në spital”-njoftoi policia.

Në spitalin e Fierit është paraqitur për ndihmë mjekësore shtetasi Olsi Serjani, 20 vjeç, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën.

Shërbimet e Policisë kanë kapur dhe shoqëruar në Polici shtetasin Fatjon Muka dhe po kryhen veprimet e mëtejshme procedurale.

Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.

LEXONI GJITHASHTU: 

• Ukraina me aleatët kritikojnë deklaratat e Papa Françeskut për luftën
• Baza e armëve dhe municioneve në Durrës, lihen në burg të arrestuarit