Vrau babain pasi e shqetësonte kur hante bukë, Gjykata e Durrësit lë në burg të riun
I riu, Marjan Kodheli, i dyshuar se vrau babain e tij në Durrës, doli këtë të shtunë para gjykatës për vlerësimin e masës së sigurisë, ku gjyqtari Xhevdet Lika vendosi masën e arrestit me burg për 25-vjeçarin.
Ngjarja ndodhi mesditën e 28 tetorit, në fshatin Shkallnur, ku dyshohet se Marjan Kodheli goditi me thikë të atin, Pjetër Kodheli, 69 vjeç, gjatë një debati në shtëpi duke i shkaktuar vdekjen e menjëhershme.
Në dëshminë paraprake të dhënë në polici, 25-vjeçari ka treguar se ngjarja ndodhi gjatë drekës, pas një debati me të atin.
“Babai mu turr, nuk më linte të haja bukë i qetë. Nuk e mbaj mend pse ndodhi, por kemi pasur grindje të vazhdueshme që kur jam kthyer nga Greqia”, ka deklaruar ai para hetuesve.
Pas seancës foli avokatja e caktuar për të e cila tha se është vendosur vlerësimi i ligjshëm i arrestit në flagrancë dhe caktimi i masës së sigurisë “arrest me burg”.
“Nuk është bërë një ekzaminim paraprak, Marjani ende nuk i kupton veprimet që ai ka kryer me sa unë arrij të kuptoj. Duket si person i mbyllur dhe i heshtur. Ai vjen nga një familje e rregullt. Mamaja e tij thotë se nuk kanë pasur konflikte. Ai është kthyer nga emigracioni në qershor të këtij viti. Nuk ka pasur asnjëherë precedent penalë në jetën e tij. Nga ana ime, si avokate, duke vlerësuar gjendjen e tij, kam kërkuar shtrimin e përkohshëm të tij në një institucion mjekësor. Vlerësoj se është e nevojshme dhe urgjente që ndaj tij të kryhet një akt ekspertize nga ekspertët e mjekësisë ligjore, për të kuptuar dhe vlerësuar gjendjen e tij të shëndetit mendor”, tha avokatja.
Kryefaqja
“10 mijë euro për t’u bërë mësues”, Koka: Ja sa paguhet për t’u futur në sistemin arsimor
“Jemi në trenin e duhur për në BE”, Muzhaqi: Mali i Zi në proces më të avancuar se Shqipëria
Rama: Shfuqizimi është për ligjin për investimet strategjike, ligjin për zonat e mbrojtura do e përputhim me standardet e BE
- 22:21 SHBA rifillon bllokadën detare ndaj porteve iraniane, hyn në fuqi urdhri i Trump
- 22:18 Zyrtari iranian: Nuk kemi asnjë detyrim për marrëveshje me SHBA-në
- 22:17 Trajneri Deschamps, mbreti i pankinës në Botëror! Francezi thyen rekordin 48 vjeçar
- 22:10 Nurellari: Kërkimin shkencor e kemi në duar të sigurta me Ministrin e Ramiz Alisë
- 22:04 “10 mijë euro për t’u bërë mësues”, Koka: Ja sa paguhet për t’u futur në sistemin arsimor
- 22:02 Rama nga Brukseli: Thanë nuk do hapen negociatat, sot u mbyllën tre kapitujt e parë