Vrau me grushte biznesmenin, 33-vjeçari është djali i anëtares së KLP-së

Autori i vrasjes me grushte të biznesmenit të ndërtimit Armando Meshau, Rei Meta është djali i Nurihan Metës, anëtares së KLP- së.

Sipas informacioneve të siguruara nga Euronews Albania, djali i anëtares së KLP, Rei Meta është futur sekser për një pronë, për të cilën nuk mbaroi punë dhe ndërtuesi Armando Meshau e kishte zgjidhur me palë të treta.

Megjithatë Rei Meta pretendonte që për ” punën ” ndërtuesi duhet ti jepte një apartament, të cilin ai nuk pranoi tja kalonte në pronësi. Konflikti mes tyre kishte 7-8 muaj ndërsa sot rreth orës 11:45, në një qendër interneti, në lagjen “Hajro Çakërri”, të qytetit të Vlorës, shkoi deri në tragjedi.

Viktima ishte në një pikë interneti për të printuar dokumente dhe ka nisur të konfliktohet me 33-vjeçarin për shkak të mosmarrëveshjeve për një banesë.

Mësohet se brenda pikës së internetit Armando Meshau e ka ofenduar dhe i ka thënë 33-vjeçarit që “s’ke për ta marrë apartamentin”, duke përdorur edhe fjalë banale.

Konflikti më tej ka degjeneruar në përdorimin e dhunës fizike, ku personi tashmë i arrestuar nga policia e qëlloi dy herë me grusht në fytyrë, duke i shkaktuar vdekjen.

LEXONI GJITHASHTU:

• Fotoja që ‘fundosi’ mafiozin napolitan, si karabinierët mësuan se fshihej në Korfuz
• Bashkëpunonin në trafikimin e emigrantëve, arrestohen 2 persona, në kërkim 1 tjetër