“Vriten njerëzit si lepuj”, Noka përmend Ervis Martinajn në komision

I shumëkëruari, Ervis Martinaj nuk ka mbetur pa u përmendur edhe në Komisionin e Sigurisë Kombëtare.

Ka qenë deputeti Flamur Noka ai që e ka ngritur si shqetësim, duke vënë në dukje se nuk dihet ku është Martinaj.

“A është zhdukur? A është gjallë? A mos ka ikur? A mos është edhe ai këtu? Ndodh një situatë e tillë dhe shteti ngre duart lart. Të vriten njerëzit si lepuj, kjo ndodh vetëm në Shqipëri”, tha Noka gjatë fjalës së tij.

“A e dini ju sot, që sot, qytetarët nuk guxojnë të shkojnë një denoncim apo telefonatë, sepse pa u mbyllur telefonata, krimineli u shkon në shtëpi. Është ajo që tha Gledis Nano, dekonspirohen. Edhe unë kam frikë t’ju bëj telefon se mund të më dekonspironi”, tha deputeti.

LEXONI GJITHASHTU:

• Agjenti i Ervis Martinajt kërkon lirinë, Apeli i shqyrton kërkesën
• Arrest me burg për agjentin e policisë që ndihmoi Ervis Martinajn të largohet