Vuante dënimin në Shqipëri për trafik droge, ndërron jetë shtetasi italian

Një shtetas italian, i dënuar për trafik droge në Shqipëri, ka ndërruar jetë në Spitalin Onkologjik.

Viktima është shtetasi Cristiano Trapani, lindur në Torrice dhe banues në Frosinone. Ai u transferua mëngjesin e kësaj të marte në Spitalin Onkologjik, ku ndërroi jetë pas një arresti kardiak.

Pacienti ishte shtruar më datë 28.10.2024 në Qendrën Spitalore të Burgjeve (QSB) me diagnozën: Limfadenopati për determinim. Gjatë qëndrimit në QSB, ai iu nënshtrua të gjitha ekzaminimeve laboratorike dhe imazherike të nevojshme. Pas konsultimeve me ekipin mjekësor, iu rekomandua ndërhyrje kirurgjikale për marrjen e biopsisë, e cila ishte planifikuar të kryhej në Spitalin Onkologjik.

Cristiano Trapani vuante një dënim prej 8 vjetësh për veprën penale të “prodhimit dhe shitjes së narkotikëve.” Dënimi i tij ishte caktuar nga Gjykata e Rrethit Gjyqësor Shkodër më 16 nëntor 2022, bazuar në nenin 283/a-22 të Kodit Penal shqiptar. Gjithashtu, në shtator të këtij viti, Gjykata e Juridiksionit të Përgjithshëm Shkodër kishte konfirmuar ligjshmërinë e arrestit të tij për të njëjtat akuza.

“Shtetasi italian Cristiano Trapani, atësia Umberto, mëmësia Panicia Santa, i datëlindjes 09.11.1960, lindur në Torrice dhe banues në Frosinone, Ceccano, Itali, me statusin e të paraburgosurit, i transferuar nga IEVP Shkodër, ka ndërruar jetë sot, më datë 19.11.2024, në Spitalin Onkologjik “Nënë Tereza” në Tiranë, rreth orës 11:30, pas një arresti kardiak”, njofton drejtoria e burgjeve.

LEXONI GJITHASHTU:

• Vrau djalin dhe nusen shtatzënë, gjendet i varur në burgun e Peqinit 78-vjeçari
• Kush janë dy fiset e të “fortëve” që u përplasen në Prishtinë, policia jep detaje