Vuçiç drejt deklarimit të qëndrimit të Serbisë për sulmin rus

Presidenti serb Vuçiç do të bëjë publik qëndrimin e Serbisë për situatën Rusi – Ukrainë, të premten.

Pritet që në orën 16:00 të mbahet seanca e Këshillit të Sigurisë Kombëtare në Serbi, ku do të diskutohet për situatën në rajon dhe Ukrainë.

Kërkesës së Bashkimit Evropian të mërkurën për të mbështetur sanksionet kundër Rusisë pasi Putin njohu pavarësinë e dy rajoneve separatiste në Ukrainë, Vuçiç tha se do i përgjigjej brenda 48 orëve.

Por brenda këtyre 48 orëve ka pasur zhvillime dramatike në Ukrainë, pasi Putini sulmoi të gjithë territorin duke sjellë si pasojë mbi 130 të vdekur, mes tyre të paktën 25 civilë, dhe qindra të plagosur.

Serbia ka marrëdhënie të mira diplomatike me Rusinë, por njëkohësisht synon të bëhet pjesë e Bashkimit Evropian.

Ndaj qëndrimi i Serbisë në këtë situatë do të jetë vendimmarrës për të ardhmen e vendit.