Vuçiç flet pas takimit në Ohër: Nuk nënshkruam asnjë dokument

Në përfundim të takimit trilateral në Ohër, presidenti i Serbisë Aleksandër Vuçiç tha se gjatë bisedimeve me kryeministrin e Kosovës Albin Kurti dhe përfaqësuesve të BE-së, Josep Borrell dhe Miroslav Lajçak nuk u nënshkrua asnjë dokument, por pranoi se palët ranë dakord për “njëfarë marrëveshjeje”.

Vuçiç tha se pikat që kanë rënë dakord do të bëhen pjesë e kornizës së negociatave dhe se zbatimi i marrëveshjeve do të vlerësohet nga Këshilli Evropian.

“Sot ishte dita kur duhej të merreshim vesh për planin e zbatimit. Ajo që është e rëndësishme të thuhet është se këto pak pika për të cilat kemi rënë dakord do të bëhen pjesë e kornizës së negociatave. Një nga pikat kyçe është se Këshilli Evropian do të vlerësojë se sa është bërë me planin e zbatimit, i cili do të zgjerohet. Formimi i AKS-së ishte vendosur si detyrim prioritar. Më duhet të them se jam vërtet i kënaqur me të. Ende flitet për persona të zhdukur, për konferenca donatorësh. Plani me siguri do të duhet të përmirësohet”.

Vuçiç theksoi se çështja e Asociacionit është e nënshkruar dhe se “kjo duhet të realizohet”.

“Nuk mund të zgjedhësh atë që pëlqen, dhe të marrësh atë që të pëlqen. Është dokument i nënshkruar. Ju e keni nënshkruar, mu për këtë ju duhet ta realizoni. Është një rregull shumë konkret”, tha Vuçiç.

LEXO GJITHASHTU:

• Kurti: Pajtimi për aneksin e zbatimit të marrëveshjes, njohje de-facto e Kosovës
• Borrell: Kosova dhe Serbia janë pajtuar mbi aneksin e zbatimit të marrëveshjes