Vuçiç largohet nga drejtimi i partisë, Raci: Po i bën vetes makiazh para perëndimit

Analisti Gazmir Raci, komentoi për Euronews Albania, komentoi lajmin për formimin e partisë së re të presidentit serb Aleksandër Vuçiç.

Ai tha se kjo përpjekje është një qasje e ikje nga përgjegjësia e tij.

Sipas tij ndryshimi i formës nga një parti dhe krijimi i një partie të re është një makiazh që presidenti serb po përpiqet ti bëj vetes para perëndimit.

“Kjo është një qasje e ikjes së tij nga përgjegjësia e tij.  Të gjithë e dimë se shteti serb është i kapur nga ai. Ndryshimi i formës nga një parti që ka një të kaluar kriminale, dhe krijimi i një partie të re, duket një makiazh i ri që tenton të ia bëjë ai vetes para perëndimit. Këtë vit Serbia duhet të vendos përfundimisht se si do i qaset politikës së jashtme dhe duket që është na hapat e fundit për të vendosur marrëdhëniet e saj me Perëndimit. Kjo tendencë për të krijuar një parti të re është në atë drejtim për t’u ç’kapur nga e kaluara kriminale që ka partia e tij. Kjo është vetëm një farsë politike e tij”- tha Raci.

LEXONI GJITHASHTU: 

• “Aktivisti dhe denoncimi për Bufin”- Noka zbulon çështjet pse u thirr në SPAK
• Ryshfet 1 milion lekë për pensionin e invalidit, arrestohet punonjësi i spitalit