Vuçiç: Ndryshime tektonike në veri të Kosovës, vetëm 13 serbë votuan

Presidenti i Serbisë, Aleksandër Vuçiç, në fjalimin e tij para qytetarëve tha se dje pas zgjedhjeve në veri të Kosovës kanë ndodhur ndryshime tektonike.

“Dje populli serb tregoi se kërkon një qasje krejtësisht tjetër, mbi të gjitha nga bashkësia ndërkombëtare, e kam fjalën për fuqitë perëndimore, se kërkon respekt më të madh, dialog dhe jo imponim të zgjidhjes”, tha Aleksandër Vuçiç, shkruan Euronews Serbia.

Ai ka deklaruar se në listën zgjedhore janë 1345 persona më shumë se sa në zgjedhjet lokale para dy viteve dhe se kanë votuar gjithsej 13 serbë nga 45095 në listën zgjedhore, që është 0.029 për qind.

Sipas Vuçiç zgjedhjet paraqesin gjithashtu “dështim të regjimit të Kurtit”.

LEXONI GJITHASHTU:

• BE: Zgjedhjet në Veri nuk ofrojnë zgjidhje afatgjatë, duhet dialog
• Kurti: Bojkoti i zgjedhjeve në veri u imponua nga fushata kërcënuese e Beogradit