Vuçiç: Nëse Prishtina vazhdon të shkelë marrëveshjen për targa do hakmerremi

13 Prill 2023 | 15:37

Presidenti i Serbisë, Aleksandër Vuçiç nga në Rashka ku zhvilloi një takim me serbët e Kosovës, tha se me pëlqimin e tyre do t’i propozohet Qeverisë që të nxjerrë konkluzione për shkeljen e marrëveshjes për targa.

Vuçiç njoftoi se nëse Prishtina vazhdon të pengojë lirinë e lëvizjes së serbëve në Kosovë edhe Beogradi do të marrë masa arbitrare ndaj atyre që kanë targa RKS.

Vuçiç lexoi propozimin që do t’i dërgohet Qeverisë së Serbisë:

“Të kërkohet një përgjigje urgjente nga BE-ja dhe organet dhe institucionet e tjera në botë në mënyrë që Prishtina t’i japin fund menjëherë shkeljes së marrëveshjes për targa dhe të mundësojnë lirinë e plotë dhe të papenguar të lëvizjes për serbët, automjetet e të cilëve përdorin në mënyrë të ligjshme dhe legjitime targat e Republikës së Serbisë. Nuk po kërkojmë asgjë më shumë se sa Prishtina të veprojë sipas marrëveshjeve të dala nga dialogu, por edhe të gjitha dokumenteve të tjera relevante juridike ndërkombëtare”, tha Vuçiç.

Presidenti i Serbisë shtoi se në rast se “ata e refuzojnë këtë zgjidhje kompromisi dhe vazhdojnë të pengojnë lirinë e lëvizjes së serbëve dhe qytetarëve të tjerë që përdorin targa legale dhe legjitime të Republikës së Serbisë në Republikën e Serbisë, pala serbe do të hakmerret me masa të konsiderueshme dhe adekuate”.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Rama publikon pamje me mbeturina nga Zvërneci: Kjo është parajsa që duan të mbetet e paprekur

Kryeministri Edi Rama ka publikuar këtë mëngjes një video që, sipas tij, është filmuar në Zvërnec dhe tregon një sipërfaqe të madhe të ndotur me...
07:56 | 04/06/2026

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut

Izraeli dhe Libani kanë rënë dakord për zbatimin e një armëpushimi të ri, i cili kushtëzohet nga ndalimi i plotë i sulmeve të Hezbollahut, njoftoi...
07:18 | 04/06/2026