Vuçiç paralajmëron Ukrainën: Do humbiste çdo gjë brenda ditës po njohët Kosovën

Ditët e fundit janë shtuar zërat se Ukraina do të njoh shumë shpejt Kosovën.

Presidenti i Serbisë Aleksandër Vuçiç ka reaguar duke u shprehur se Kievi  “do të humbë brenda ditës gjithçka që ka në dorë”, nëse e njeh pavarësinë e Kosovës.

“Unë jam fajtor që nuk e kam njohur pavarësinë e Kosovës dhe me këtë krijoj probleme në rajon. Është faji im dhe jam krenar për këtë faj. Sa i përket Ukrainës, ajo është shteti ynë mik. Imagjinoni sikur Ukraina ta njihte Kosovën, gjithçka do të humbiste brenda një dite. Si do të mund të thotë pas kësaj se respekton të drejtën ndërkombëtare”, tha Vuçiç.

Ai shtoi se Ukraina është një shtet mike e Serbisë, dhe se nuk ka problem  në marrëdhëniet mes dy vendeve.

Vuçic i i bëri këto komente gjatë një konference të përbashkët për media me kryeministren e Serbisë, Ana Bërnabiç, në Beograd, ku iu përgjigjën pyetjeve rreth një letre të deputetëve nga vendet e Bashkimit Evropian (BE) dhe Shtetet e Bashkuara, të cilët kërkuan masa më të rrepta ndaj Serbisë.

Më 7 gusht, dhjetëra politikanë nga Evropa dhe Shtetet e Bashkuara i dërguan një letër zyrtarët të lartë të BE-së dhe Uashingtonit, duke iu kërkuar ta ndryshonin qasjen ndaj Kosovës dhe Serbisë.

Vuçiç tha se letra e deputetëve evropianë dhe amerikanë “nuk është kundër tij, por kundër Serbisë”.

LEXONI GJITHASHTU:

• Trump kundër gjyqtares: Të largohet, nuk mund të kem një proces të drejtë
• Gjyqi ndaj Trump, ish-Presidenti: Nëse nuk më lini të qetë, as unë nuk do t’ju lë