‘Vuçiç po frikëson qytetarët’, regjistrimi i targave pritet të jetë proces i gjatë

Ministri i Brendshëm i Kosovës Xhelal Sveçla ka akuzuar presidentin serb Vuçiç se po kërkon të frikësojë qytetarët serbë që po riregjistrojnë automjetet e tyre.

Ai bëri të ditur në një reagim në Facebook se një tjetër oficer serb i Policisë së Kosovës është sulmuar nga strukturat ilegale të cilët i kanë djegur veturën pasi e regjistroi me targa legale të Republikës së Kosovës.

Gazetari i Euronews Albania Kosovë Gjoci tha se të gjitha proceset që serbët e kosovës i kanë pranuar deri diku këto raste kanë qenë të zakonshme, është përdorur frika dhe sulmet ndaj njerëzve që kanë pranuar çfarë është kërkuar nga Kosova.

“Pritet një proces i gjatë dhe i ngadalshëm për regjistrimin e targave. Bindja e shumicës së serbëve në veri vijon të jetë e njëjtë; ata presin ose një trajtim special ose do kthehen tek shteti amë. Këto kërcënime e ngadalësojnë edhe më tej procesin”, raportoi gazetari.

LEXONI GJITHASHTU:

• Serbët djegin veturën e një polici pasi e regjistroi me targat e Kosovës
• Sveçla: Pas 31 tetorit, asnjë veturë me targa ilegale s’mund të qarkullojë në Kosovë